Müğənni Mehin Hümbətova idmanla bağlı maraqlı etirafı ilə diqqət çəkib

Azərbaycanlı müğənni Mehin Hümbətova fiziki quruluşu ilə bağlı maraqlı açıqlama verib. Sənətçi qonaq olduğu verilişdə idmanla əlaqədar özündə müşahidə etdiyi fərqli xüsusiyyətdən danışıb.

O qeyd edib ki, əksər insanlardan fərqli olaraq məşq etmədikdə arıqlayır. İfaçının sözlərinə görə, bədən quruluşu ektomorf tipinə aid olduğundan, hərəkətsiz qalanda əzələ kütləsi azalır və çəkisi düşür.

Mehin Hümbətova idmanla məşğul olanda isə əks prosesin baş verdiyini vurğulayıb. O bildirib ki, məşq edərkən əzələləri inkişaf edir, bədəni formaya düşür və vizual olaraq daha çəkili görünür.