Pentaqonun işdən çıxarılan generalı məxfi məlumatları sızdırdığını etiraf edib

AzadAzərbaycan xəbər verir ki, işdən çıxarılan ABŞ ordusunun general-leytenantı Brett Silviya iki jurnalistə Ukraynadakı müharibə və İranla münaqişə barədə gizli məlumatlar ötürdüyünü boynuna alıb. Məlumata görə, bu cür sızma halları təxminən bir il müddətində davam edib.

Aparılan daxili araşdırmanın nəticələrinə əsasən, hərbçi poliqrafiya yoxlamasından dörd dəfə uğursuz keçdikdən sonra pozuntuları təsdiqləyib. General bu həftə Pentaqon rəhbəri Pit Hegset tərəfindən tutduğu vəzifədən azad edilib.

Hesabatda qeyd olunur ki, Silviya 2025-ci ilin iyun ayından etibarən medianın nümayəndələrinə məlumat ötürüb. Tərəflər arasındakı əlaqə təhlükəsiz “Signal” tətbiqi vasitəsilə həyata keçirilib, görüşlərdən biri isə Arlinqtondakı restoranların birində baş tutub.

İstintaq materiallarına əsasən, görüş zamanı general gizli hesabatlara əsaslanaraq ABŞ-ın Ukraynaya hərbi yardımı barədə şifahi məlumatlar paylaşıb. Qeyd olunur ki, bu təmaslar Pentaqonun mətbuat xidməti ilə razılaşdırılmayıb və ötürülən məlumatlar müvafiq məxfilik yoxlamasından keçməyib.